Տուժող կողմը միջնորդում է հարցաքննել Ռուբեն Հայրապետյանին

Ավան եւ Նոր Նորք համայնքների ընդհանուր իրավասության դատարանում այսօր շարունակվեց «Հարսնաքար»-ի գործով դատավարությունը:

Վահե Ավետյանի իրավահաջորդի ներկայացուցիչ, փաստաբան Վահե Գրիգորյանը այսօր միջնորդեց դատարան հրավիրել «Հարսնաքար» ռեստորանային համալիրի սեփականատեր Ռուբեն Հայրապետյանին:

«Նա [Ռուբեն Հայրապետյանը] հստակորեն տիրապետում է տեղեկատվության, որը այս դատաքննության ընթացքում հետազոտված երեւէ ապացույցից հնարավոր չէ ձեռք բերել», - փաստարկեց Վահե Գրիգորյանը:

Նշենք, որ Ռուբեն Հայրապետյանի անունն առաջինն է նշված տուժող կողմի փաստաբանների կազմած դատակոչի լրացուցիչ ցուցակի մեջ:

Դատավոր Դավիթ Հարությունյանը Ռուբեն Հայրապետյանին որպես վկա դատարան հրավիրելու վերաբերյալ պնդումը քննարկելուց խուսափեց մի քանի անգամ:

Իսկ ամբաստանյալների հարազատները, լսելով Ռուբեն Հայրապետյանին դատարան հրավիրելու պնդումը, ակնհայտորեն դժգոհություն հայտնեցին նիստերի դահլիճում: Դատավորը զսպվածության կոչ արեց:

Դատավոր Դավիթ Հարությունյանը Ռուբեն Հայրապետյանի հարցին անդրադառնալու փոխարեն անդրադարձավ տուժող կողմի ներկայացրած դատակոչի լրացուցիչ ցուցակում ընդգրկված մյուս անձանց, որոնց վերաբերյալ, ըստ դատավորի, գործի նյութերում…

ԱՄՆ Պետդեպի զեկույցն անդրադարձել է Վահե Ավետյանի սպանությանը

ԱՄՆ Պետդեպարտամենտը հրապարակել է Մարդու իրավունքների վիճակի վերաբերյալ իր ամենամյա զեկույցը, որում անդրադարձել է նաև Հայաստանին:

Զեկույցում մասնավորապես նշվում է, որ 2012թ. հունիսի 29-ին Հայաստանի Հանրապետության խորհրդարանի պատգամավոր, Հանրապետական կուսակցության անդամ Ռուբեն Հայրապետյանին պատկանող ռեստորանի անվտանգության աշխատակիցները և աշխատակազմը հարձակվել և ծեծի են ենթարկել ռազմական բժիշկ Վահե Ավետյանին և չորս այլ անձանց: Արդյունքում Վահե Ավետյանը մահացել է ստացած վնասվածքներից: Ավետյանի ընտանիքի շահերը ներկայացնող փաստաբանները պնդում են, որ քննիչները միտումնավոր վարել են ոչ լրիվ և արագ հետաքննություն՝ անսովոր մեղմ մեղադրանքներ առաջադրելով մեղադրյալներին: Հայրապետյանն Ազգային ժողովի կազմից դուրս է եկել 2012թ. սեպտեմբերի 28-ին:

Տուժածների խոսքերով` 2012թ. հունիսի 17-ին առնվազն 10-15 մարդ ծեծի են ենթարկել իրենց՝ մատուցողի հետ վիճաբանությունից հետո: Վեց մեղադրյալներ կանգնել են դատարանի առջև միջին և ծանր մարմնական վնասվածքներ հասցնելու մեղադրանքով: Այս մեղադրանքների դեպքում նախատեսվում է առնվազն 15 տարվա ազատազրկում: 2012թ. վերջի դրությամբ` դատավարությունը շարունակվում էր:

Վերջին զանգը՝ «Հարսնաքարում». Ռեժիմը ստիպում է քաղաքացիներին հատուցել Նեմեցի կրած վնասները

Ավանի հանրակրթական դպրոցներում ավարտական դասարանների աշակերտներին ստիպում են, որ այս տարի ավարտական երեկույթները անպայման կազմակերպվեն և անցկացվեն «Հարսնաքար» ռեստորանային համալիրում, յուրաքանչյուր աթոռի արժեքը 11 000 ՀՀ դրամ: Հայոց բանակի սպա Վահե Ավետյանի սպանությունից հետո մեր համաքաղաքացիներից շատերը հրաժարվեցին միջոցառումներ կազմակերպել նշված ռեստորանում, հիմա ռեժիմը ստիպում է քաղաքացիներին հատուցել Նեմեցի կրած վնասները...

Աշակերտներին ստիպում են ավարտական խնջույքը «Հարսնաքարո՞ւմ» անել. քաղաքապետարանից խոստանում են ստուգել

Ավանի հանրակրթական դպրոցներում ավարտական դասարանների աշակերտներին ստիպում են, որ այս տարի ավարտական երեկույթները պետք է անպայման կազմակերպվեն և անցկացվեն «Հարսնաքար» ռեստորանային համալիրում, որտեղ յուրաքանչյուր աթոռի արժեքը 11 000 դրամ է:
Այս մասին Facebook սոցիալական ցանցի իր էջում գրառում է արել քաղաքացիական ակտիվիստ Անի Կաղինյանը: Epress.am-ի հետ զրույցում Կաղինյանը մասնավորեցրել է, որ ինքն ահազանգ է ստացել 170-րդ դպրոցից:
Խնդրի շուրջ Аravot.am-ը Երևանի քաղաքապետարանի աշխատակազմի կրթության վարչության պետ Գայանե Սողոմոնյանից հետաքրքրվել է՝ կա՞ արդյոք նման բան, ինչին ի պատասխան Սողոմանյանը հայտնել է, որ դպրոցն ավարտելուց հետո ծնողներն ու երեխաներն են որոշում՝ որտեղ խնջույքներ իրականացնել:
«Դա միայն նրանց իրավունքն է, մենք այդ դաշտ չենք մտնում, որովհետև այդ երեխաներն ավարտելուց հետո այլև դպրոցի աշակերտ չեն: Ինչ վերաբերում է ներկային, քաղաքապետի կողմից խիստ հանձնարարություն կա՝ քեֆերն ընդհանրապես մոռանալ, որովհետև դեռ քննական շրջան է, դրամահավաքությունը ևս խիստ արգելված է բոլոր նպատակներով, ինչում մենք հետևողական ենք», – ասել է Սողոմոնյանը:
Կրթության վարչության պետը նշել է, որ սովորաբար դպրոցներում ամեն դասարան վերջին դաս է անում, որի ընթացքում դասղեկը բարեմաղթանքներ է անում երեխաներին, խոսում նրանց մասին՝ հիշողություններ, հետաքրքիր դեպքեր՝ ծնողական խորհրդի ներկայությամբ, դպրոցի տնօրենն էլ շրջում է դասարաններով:
«Վերջին զանգի օրը սա է լինելու», – նշել է Սողոմոնյանը:
Նա նաև հավելել է, որ այդ օրվա հետ կապված նոր հանձնարարական ԿԳ նախարար Արմեն Աշոտյանից և Երևանի քաղաքապետ Տարոն Մարգարյանից դեռևս չունեն,
չնայած դրան,սովորաբար ամեն տարի երեկոյան դրսում միջոցառում են կազմակերպվում:
«Նախկինում ավանդույթ կար,դպրոցներում սեղաններ էին գցում, խիստ արգելել եմ բոլոր տեսակ ֆուրշետները, դեպքեր են եղել, որ այնքան կոշտ եմ զգուշացրել, որ մարդիկ վիրավորվել են, ու հիմա նման բաները արմատախիլ են արվել դպրոցներից: Նորից եմ ուզում նշել, որ քննություններից հետո ավարտականը տալիս ենք, ծնողը գիտի՝ ինչպես վարվել: Այդ երեխաներն այլևս դպրոցի աշակերտ չեն համարվում, «Աշտարակի ձոր» կգնան, թե «Հարսնաքար» ու «Ծաղկաձոր», ծնողն ու աշակերտն են որոշում, ոչ դասղեկ չի մասնակցվում, որեւէ տնօրեն՝ նույնպես», -ասել է կրթության վարչության պետը:
Վերջինս հավելել է, որ կկապվի Ավանի դպրոցների տնօրենների հետ՝ ճշտելու, թե լուրը որքանով է հավաստի:
Անի Կաղինյանի գրառմանն անդրադարձ է կատարել ազգագրագետ Հրանուշ Խառատյանը, ով նույն սոցիալական ցանցի իր էջում, մասնավորապես, գրել է.
«Եթե այս տեղեկության մեջ ճշմարտության հատիկ կա, եթե «Հանցաքար» որակված «Հարսնաքարում» որևէ մեկի կողմից չափահասության նվիրագործման ծեսի վերածված դպրոցի ավարտական խնջույքը անցկացնելու ծրագիր կա, ապա դա նշանագրության լեզվով կարելի է որակել չափահասների կարգավիճակում հաստատելու անցումային կարևոր շրջանում բարոյազրկման ծրագրավորում»:
Ազգագրագետն ընդգծել է, որ «Հարսնաքարում»տեղի ունեցած անմարդկային, դաժան հանցագործությունը դեռևս իրավական լուծում չի ստացել: Հիշեցնենք, որ ՀՀ ԱԺ նախկին պատգամավոր Ռուբեն Հայրապետյանին պատկանող «Հարսնաքար» ռեստորանային համալիրում անցյալ տարվա հունիսի 17-ին ծեծի էր ենթարկվել ռազմական բժիշկ Վահե Ավետյանը: Դեպքից 12 օր անց նա մահացել էր հիվանդանոցում: Գործով դատաքննությունն այս պահին շարունակվում է:

Վահե Ավետյանի մահը
Վահե Ավետյանի մահը
Թվական Հունիսի 29, 2012
Ժամանակ 18:15
Վայր Կենտրոնական զինվորական հոսպիտալ, Երևան
Պատճառ Գանգուղեղի վնասվածք, կոմա
Հուղարկավորություն Հուլիսի 2, 2012
Մեղադրանք ՀՀ ՔՕ 112-րդ հոդվածի 2-րդ մասի 6-րդ և 14-րդ կետեր, 113-րդ հոդվածի 2-րդ մասի 1-ին և 3-րդ կետեր, 118-րդ հոդված[1]
Վահե Գառնիկի Ավետյանը (օգոստոսի 2, 1979[2] - հունիսի 29, 2012) հայ բժիշկ էր, ՀՀ զինված ուժերի բուժծառայության մայոր, ով մահացավ 2012 թ. հունիսի 29-ին` կոմայից ուշքի չգալով։ Նրա մահը հասարակական մեծ հնչեղություն ստացավ` լայնորեն լուսաբանվելով լրատվամիջոցներով և քննարկվելով սոցիալական ցանցերում։ Ավետյանը կոմայի մեջ էր հայտնվել ծեծից հետո, որը տեղի էր ունեցել ՀՀ ԱԺ պատգամավոր (այդ ժամանակ) Ռուբեն Հայրապետյանին պատկանող «Հարսնաքար» ռեստորանում։

Ավետյանը կրթությունը ստացել էր Երևանի պետական բժշկական համալսարանում, մասնագիտությամբ քիթ-կոկորդ-ականջաբան էր, 2004թ.-ից, ծառայում էր պաշտպանության նախարարության կենտրոնական զինվորական հոսպիտալում[3]։

արդար դատաքննության իրավունք կկանչվի՞ Ռուբեն Հայրապետյանը դատարան

«Հարսնաքար» ռեստորանային համալիրում գազանաբար հոշոտված զինվորական բժիշկ Վահե Ավետյանի գործով հերթական դատական նիստը տեղի կունենա վաղը՝ մայիսի 7-ին ժամը 12:00-ին: Նախորդ դատական նիստին այդպես էլ անդրադարձ չկատարվեց Ռուբեն Հայրապետյանին դատարան հրավիրելու միջնորդությանը, ըստ ամենայնի, դատավորը դրան կանդրադառնա վաղվա դատական նիստին, որի ըթնացքում պետք է հարցաքննվի նաև «Հարսնաքարի» մատուցող Գևորգ Միքայելյանը:

Նախորդ նիստին հարցաքննվեցին «Հարսնաքարի» մենեջերը և այդ չարաբաստիկ օրը ռեստորանում աշխատող մատուցողներից մեկը:

Մենեջեր Հայիրյանը իր գիտեցածը ներկայացրեց՝ նշելով, որ, հիմնականում, տեղյակ չէ կատարվածից,միայն իմացել է Ավետյանի ու մատուցող Դավիթ Ադամյանի միջև սպորտային հագուստի պատճառով ծագած կոնֆլիկտի մասին: Դրանից հետո մատուցողին ասել է, որպեսզի նա այլևս չսպասարկի այդ սեղանը, իսկ ինքը խոսել է սեղանի շուրջ գտնվող անձանց հետ և հավաստիացել, որ ամեն ինչ նորմալ է:

Ըստ քրեական գործի նյութերի, մենեջերը Ավետյանի սեղանին է մոտեցել սպորտային կազմվածքով մի անձի հետ, ինչի մասին դատարանում վկայել են նաև տուժողները, սակայն վկան դատարանում ժխտեց այդ փաստը: Ուշագրավ է նաև այն հանգամանքը, որ ըստ մենեջերի՝ իրեն են մոտեցել այլ հաճախորդներ և բողոքել, որ կողքի սեղանից, որտեղ Ավետյանն էր ընկերների հետ, հայհոյանքներ են լսվել: Սա կանխարգելելու նպատակով, ըստ վկայի՝ ինքը երաժիշտներին հրահանգել է քսան րոպե անդադար նվագել,որպեսզի լարվածությունը թուլանա և հայհոյանքները չլսվեն:

Վկա մենեջերն ասում էր, որ ինքը դրսում կատարվածի մասին տեղյակ չի եղել, միայն մի ակնթարթ նկատել է, որ ավտոկայանատեղում մարդիկ կան հավաքված և դա էլ կապել է հրավառության հետ, որի համար հավանաբար մարդիկ դուրս են եկել:

«Եթե հրավառություն է, ուրեմն հրավառություն պետք է լիներ, ո՞նց եք կապում դրա հետ», իր զարմանքն արտահայտեց դատախազ Դավթյանը՝ նկատելով, որ հրավառության դեպքում վկան կնկատեր դա:

Տուժողի ներկայացուցիչ Տիգրան Եգորյանը մեջբերեց ամբաստանյալ Նորայր Հայրապետյանի ցուցմունքը,որտեղ վերջինս նշել է, որ ավտոկայանատեղի գնալիս իրենց են մոտեցել մենեջեր Դավիթը, Գարիկը,մատուցողը և այլն: «Ես նման բան բացարձակ չեմ հիշում», ժխտեց վկա Հայիրյանը:

Տիգրան Եգորյանը նշեց նաև մեկ այլ հակասություն. ըստ վկայի նախաքննական ցուցմունքի՝ ինքը տեսել է,որ հարվածել են մատուցող Դավիթի կրծքավանդակին, սակայն դատարանում նա այդ մասին ոչինչ չասաց:«Վկան նշեց, որ իր ասածը եղել է շփոթության պատճառ ու ինքը ոչ թե տեսել է, որ մատուցողին հարվածեն, այլ դրա մասին իմացել է վերջինիս պատմածից», վկայի փոխարեն պարզաբանեցին ամբաստանյալների պաշտպանները:

Դավիթ Հայիրյանն ասաց նաև, որ ինքն այդ ժամանակահատվածում անվտանգության աշխատակիցներից տեսել է միայն ամբաստանյալ Արման Խաչատրյանին, որը կանգնած է եղել մուտքի մոտ: Ըստ վկայի` անվտանգության աշխատակիցը իրենից է հետաքրքրվել, թե ինչու՞ են մարդիկ հավաքված ավտոկայանատեղիում, և դրանից հետո զանգահարել են Արման Խաչատրյանին ու նա գնացել է դեպի ավտոկայանատեղի:

Նշենք, որ մենեջեր Դավիթ Հայիրյանը ով դատարանում ներկայացավ որպես գործին քիչ տեղյակ անձ,նախաքննության սկզբում ենթարկվել է քրեական հետապնդման, ունեցել է կասկածյալի կարգավիճակ,սակայն հետո նրա նկատմամբ քրեական հետապնդումը դադարեցվել է :

Վկայություն տվեց նաև մատուցող Մանուկ Մնացականյանը, որը ոչ անձնագիր ուներ և ոչ էլ գրանցում:Նա նշեց, որ ինքը սպասարկել է Ավետյանի սեղանից 5-6 մ հեռավորության վրա գտնվող սեղանը և լսել է,թե ինչպես է Ավետյանը ձեռք առնում մատուցողին, սակայն թե ինչ է պատասխանել մատուցողը նա չի լսել:Վկան, զարմանալիորեն, ինչպես ինքն էր ասում բարձր երաժշտության տակ, երկու տարբեր անգամներ կարողացել է լսել միայն Ավետյանի ասածները, իսկ մատուցողի պատասխանները՝ ոչ:

Նիստի ընթացքում ամբաստանյալների պաշտպաններից մի քանիսը մեղադրեցին դատավոր Դավիթ Հարությունյանին կողմնակալության մեջ. «Դատարանը պարբերաբար դրսևորում է կանխակալ վերաբերմունք՝ ի օգուտ տուժողի», հայտարարեց պաշտպան Երեմ Սարգսյանը: Իսկ ամբաստանյալ Արման Խաչատրյանի պաշտպան Միհրան Պողոսյանի նկատմամբ դատավորը կիրառեց դատական սանկցիա՝նախազգուշացում, դատարանի գործողություններին խոչընդոտելու համար:

Պաշտպանները իրենց բողոքն արտահայտում էին դատավորի որոշման կապակցությամբ, որը վերաբերում էր ամբաստանյալ Արման Խաչատրյանին քաղաքացիական գործարք իրականացնել թույլատրելու հետ:Պաշտպան Միհրան Պողոսյանը նշեց, որ իր պաշտպանյալի գույքի վրա կալանք դրված չէ, ինչպես նաև ներկայացված չէ քաղաքացիական հայց՝ նյութական փոխհատուցման պահանջով, ուստի որևէ խոչընդոտ լինել չի կարող:

Տուժողի ներկայացուցիչ Տիգրան Եգորյանն էլ հայտարարեց, որ իրենք պատրաստվում են ներկայացնել քաղ. հայց, սակայն դատավորը հետաձգեց միջնորդության քննարկումը:

Նշենք, որ Ավետյանի գործով այս նիստին դատարանի դահլիճը լեփլեցուն էր քաղաքացիներով և քաղաքացիական ակտիվիստներով:

Արտակ Համբարձումյան

արդար դատաքննության իրավունք
8.05.2013 | արդար դատաքննության իրավունք
վճռաբեկ դատարանի նիստը՝ ուղիղ
Ուղիղ եթերում կարող եք դիտել ՀԱԿ կուսակցության անդամներ Տիգրան Առաքելյանի, Արտակ Կարապետյանի, Դավիթ Քիրամիջյանի և Սարգիս Գևորգյանի գործով վճռաբեկ դատարանի նիստը:

հեռարձակումը` Ազատություն ռ/կ-ի


6.05.2013 | արդար դատաքննության իրավունք
կկանչվի՞ Ռուբեն Հայրապետյանը դատարան
«Հարսնաքար» ռեստորանային համալիրում գազանաբար հոշոտված զինվորական բժիշկ Վահե Ավետյանի գործով հերթական դատական նիստը տեղի կունենա վաղը՝ մայիսի 7-ին ժամը 12:00-ին: Նախորդ դատական նիստին այդպես էլ անդրադարձ չկատարվեց Ռուբեն Հայրապետյանին դատարան հրավիրելու միջնորդութ